سياسة الخصوصية

إزاي بنتعامل مع بياناتك لما تستخدم الموقع أو تتواصل معانا.

الموقع ده

الموقع مفيهوش قاعدة بيانات ولا حسابات للزوار. أي حاجة بتكتبها في فورم التواصل مش بتتخزن هنا.

التحليلات والإعلانات

بنستخدم Google Analytics وبيكسل إعلانات Meta عشان نعرف الموقع بيتستخدم إزاي، والإعلانات بتجيب نتيجة ولا لأ. الأدوات دي بتسجل الصفحات اللي اتفتحت، والمكان التقريبي، ونوع الجهاز والمتصفح، والزيارة جت منين.

الأدوات دي عمرها ما بتاخد اسمك ولا رقمك ولا إيميلك ولا أي حاجة كتبتها في الفورم. وكمان عمرها ما بتعرف إنت كنت بتقرا عن أنهي علاج — دي معلومة صحية، وصفحات العلاجات عندنا أصلاً مش بتحمّل بيكسل الإعلانات خالص.

فورم التواصل

الفورم لوحده مش بيبعتلنا حاجة. هو بيجهّز رسالة واتساب من اللي كتبته، ويفتحلك واتساب عشان تبعتها إنت بنفسك. من اللحظة دي هي رسالة واتساب عادية وبتخضع لشروط خصوصية واتساب.

ملفك الطبي

أي حاجة بتقولها لينا في الكشف بتتحفظ في سجلات العيادة تحت السرية الطبية، ومنفصلة تمامًا عن الموقع.

الكوكيز

أدوات التحليلات والإعلانات بتحط كوكيز عشان تفرّق بين الزيارات. تقدر تمنعها أو تمسحها من إعدادات المتصفح. إحنا مش بنعرض بانر كوكيز.

أي سؤال عن بياناتك

ابعتلنا على [email protected]، أو اتصل بفرع الجيزة على +20 111 458 8843 أو فرع الشيخ زايد على +20 115 414 1476.